Plantun de Prouvènço

Pèr coumpara dos planto d'encò nostre

Genista germanica & Stellaria nemorum

Genista germanica

Fabaceae Leguminosae

Nom en français : Genêt d'Allemagne.

Descripcioun :
La genèsto-d'Alemagno se rescontro dins lis endré fres e umide sus sòu séusous. Fai de mato de tijo drecho, canado e que porton de long péu blanc. Li flour e li fru tambèn soun pelu e i'a ges d'espino. Planto dóu cèntre de l'Éuropo, au nostre trachis subretout dins lis Aup marino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 60 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Genista
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 10 à 15 mm
Flourido : Printèms - Estiéu

Sòu : Si
Autour basso e auto : 0 à 1300 m
Aparado : Noun
Mai à juliet

Liò : Champino - Bos fres - Galis
Estànci : Subremediterran à Mountagnard
Couroulougi : Éuroupenco-Cèntre
Ref. sc. : Genista germanica L., 1753

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.